ditturinn og datturinn

Farin á moggablogg

2007-02-15T10:25:00.000Z

Ég ætla að yfirgefa sökkvandi skip og er komin á moggabloggið..
www.konukind.blog.is

Gamlir og nýir gestir velkomnir - hlakka til að heyra frá ykkur..

Urrrrrrrrr!

2007-02-15T09:55:00.000Z

Mikið vona ég að þegar þessar stelpur eigi aldrei eftir að verða fyrir því að vilja setjast hjá vinnufélögum eða skólafélögum en vera þá bent á að nærveru þeirra sé ekki óskað, að best væri ef þær settust hjá þessum eða hinum eða að það breytt sé um umræðuefni um leið og þær nálgist.
Og ef svo verður - þá vona ég að þær muni eftir sjálfum sér þegar þær voru unglingar

Pizzukassar

2007-02-14T07:51:00.000Z

Í útvarpinu núna áðan kom fram að hver íslendingur skilji eftir sig 14 pizzu kassa á ári. Það jafngildir því að við fjölskyldan torguðum 56 pizzum á ársgrundvelli!!!!!

Ég fer í fríið!

2007-02-14T06:58:00.000Z

Pantaði í gær viku fyrir mig og stelpurnar á Spáni. Gulli hefur ekki áhuga á sólarlandsferðum en við eru verulega æstar. Ég ætla í samfloti með Hannesi besta bró og hans fjölskyldu. Hótel við strönd...JIBBÝ

Hlustið kæru vinir ég skal segja ykkur sögu(r)

2007-02-12T12:12:00.000Z

Bara smá um hið dásamlega sumarbústaðalíf helgarinnar. Þessu verður skipt í þrjá hluta - SVEFN
ANDLEGT OG LÍKAMLEGT FÓÐUR
FÉLAGSSKAPUR

Svefn:
Við hjón komum í bústaðinn um 19.00 á föstudagskvöldinu og ég slökkti hjá mér uppúr 10:30 og vaknaði ekki fyrr en klukkan 09:30 næsta morgun. Ellefu tímar þar. Þess skal geta að ég svaf í rúma átta tíma nóttina áður og varð að hringja í vinnuna og melda mig um hádegið vegna þreytu.
Jæja eftir geysi góðan nætursvefn var morgunmatur í ró og næði - lagði mig aftur með bók og vaknaði klukkan 14:30.
Er þetta normal?
Var sofnuð uppúr miðnætti á laugardegi og svaf eins og fiskur fram eftir morgni.

Andlegt og líkamlegt fóður:
Af andlega fóðir er það að segja að í bústaðnum kláraði ég að lesa Aldingarðinn eftir Ólaf Jóhann. Ekki segi ég að mér hafi leiðast - en mikið voðalega er þetta slétt og felld bók og rislítil. Eins fékk ég einhverja tilfinningu að hún væri þýdd - en það getur ekki verið. Þessa er auðvelt að lesa.
Byrjaði síðan á Sendiherranum og er ekki alveg viss um hvað mér finnst. Mér finnst hún allaveg ekki sérlega skemmtileg - eins og ég var hrifin af Samkvæmisleikjum. En hef þó ekki gefist upp og finnst nokkuð gaman núna eftir að ritstuldurinn komst upp. Ætla að klára og sjá hverju fram vindur.
Um líkamlega fóðrið er það að segja að Gulli minn var búin að kaupa dýrindis osta, brauð og ávexti sem við nörtuðum í með bjórnum á föstudagskvöldinu.
Á laugardeginum vorum við með lambalæri og stungum það út með tveim hvítlaukum.
Ég steikti amrískar pönnsur á sunnudeginum en þær voru ekki góðar því ekkert átti ég lyftiduftið.

Félagsskapur:
Við fórum bara tvö uppeftir á föstudeginum og mikið var gott að vera bara ein og sjálf - engin börn. Á laugardeginum komu Ari og mamma hans og pabbi en ákveðið hafði verið að Ari væri hjá okkur um nóttina og kæmi með okkur í bæinn á sunnudeginum. Pabbi og mamma hans kvöddu hann glaðan og reifan. Um klukkan 18:00 komu svo stelpurnar með föðurbróður sínum og þá var nú fjör.
Ari minn er ótrúlegur - hann naut þess að vera með okkur og borða stóran kvöldverð og skála við alla. Hann fékk líka að stjórna hermileik - þegar hann klappaði þá klöppuðu allir - þegar hann togaði í eyrun þá togðu allir í eyrun o.s.frv. Hann var síðan sofnaður fyrir 22:00 og svaf til 11:45 næsta morgun. Það er ekki erfitt að vera með svona barn.
Eina sem hann hafði út á dvölina að setja var þegar þessi frænka vildi skipta um bleyju - þá kom dramatískur grátur og hann grúfði andlitið í höndum sér VEI ÞÉR VONDA VERÖLD!

Ný könnun

2007-02-06T06:57:00.000Z

Jæja þar kom að því að fylgið hrundi af Frjálslyndum JIBBÝ. Og enn bæta vinstri grænir við sig JIBBÝ.
En íhaldið heldur sínu DJÖFULLINN
Það er greinilegt að VG eru að taka fylgi af samfylkingu - það boðar ekki gott - ekki á meðan íhaldið heldur sínu. Nú verðum við að taka höndum saman og fella ríkisstjórnina. NÚ ER LAG

Kuldi

2007-02-06T06:56:00.000Z

Mér varð hreinlega kalt þegar ég leit inn til sofandi gifsbarnsins í morgunsárið. Hún liggur bara með teppi ofan á sér því annars er svo heitt þar sem gifsið er....ræfillin minn litli....

Stolin brandari

2007-02-05T17:19:00.000Z

Þ.essi kemur af síðu Jóns Lárusar - ég varð að stela honum - gjössovel:

It's not too often that you hear a joke about blonde guys...Two blonde guys were working for the city works department. One would dig a hole and the other would follow behind him and fill the hole in. They worked up one side of the street, then down the other, then moved on to the next street, working furiously all day without rest, one guy digging a hole, the other guy filling it in again. An onlooker was amazed at their hard work, but couldn't understand what they were doing. So he asked the hole digger, "I'm impressed by the effort you two are putting in to your work, but I don't get it-why do you dig a hole, only to have your partner follow behind and fill it up again?" The hole digger wiped his brow and sighed, "Well, I suppose it probably looks odd because we're normally a three-man team. But today the guy who plants the trees called in sick."

Saga af slysó

2007-02-04T17:32:00.000Z

Þegar við mæðgur fórum á slysó um daginn þá tók á móti okkur ágætis hjúkrunarfræðingur. Þegar í ljós kom að barnið var brotið þá fór ég með þuluna......."þetta grær áður en þú giftist" Hjúkkan greip þetta á lofti og fór að tala um að það væri nú alveg öruggt nema að Bryndís ætlaði að giftast á morgun og spurði svo hvort einhver strákur væri nokkuð búin að biðja hennar. Við vorum sammála um að svo væri nú ekki og ég bæti við að það eigi örugglega einhvern daginn fríður piltur eða fönguleg stúlka eftir að biðja hennar.
Ég fékk þvílíkt augnaráð frá vesalings konunni og henni fannst þetta greinilega fáránlegt innlegg hjá mömmu stúlku barns. Ekki sagði hún nú neitt en hryllti sig.
Bryndís kippti sér ekkert upp við þetta.
Það þýðir ekki bara stundum að tala um jafnrétti og mannréttindi - þau eiga líka heima á slysó....

Skemmtileg mynd

2007-02-04T17:30:00.000Z

Við fórum mæðgurnar fjórar að sjá Little miss sunshine -hún er ógurlega skemmtileg og ég grét af hlátri- æi hvað það er nú gott!

Brot númer tvö

2007-02-02T10:34:00.000Z

Bryndís mín brotnaði aftur á miðvikudag. Í maí á liðnu ári brotnaði hún á framhandlegg hægri handar en nú er þetta all alvarlegara því hún brotnaði á úlnlið vinstri handar - og er örfhend.
Hún var að hita upp í handbolta - hljóp aftur á bak og datt með þessum afleiðingum.
Við fengum afbraðgsþjónustu á slysó því þegar þeir sáu hvers eðlis slysið var var hún drifin strax upp á bekk, settur upp leggur og morfín í æð. Í myndatöku komi í ljós að svæfa þyrftir barnið og laga brotið annað hvort með því að toga það til að að skera. Sem betur fer þurfti aðeins að toga.
Við biðum á slysó í meiri en fjóra tíma eftir aðgerð frá 17:00 - 21:00. Allt brjálað að gera og tvær skurðstofur opnar og hún í forgangi. Þarna lá litlan í lyfja rússi og kvíðin vegna aðgerðarinnar.
Við vorum síðan á spítalanum aðfaranótt fimmtudagsins og allt gengur vel - hún er heima í gifsi upp að olboga. Eftir þetta leið mér eins og ég hefði verið á fjögurradaga fylleríi og yfir mig hefði keyrt trukkur.
En núna er föstudagur og þetta verður góð og róleg helgi......

Aumingjagangur

2007-01-30T07:52:00.000Z

Er þetta ekki toppurinn á aumingjaganginum í mér: ég á tvær dætur og hafði ekki döngun í mér til að fara með þær á afmælishátið Kvenréttindafélgasins - jafnvel þó svo að langa amma þeirra hafi eitt sinn verið formaður.....

Sá svarti bankar

2007-01-25T12:13:00.000Z

Hundurinn - nú vill hann inn. Það eru þó ekki mikil læti en ég finn að hann langar. Ég finn líka að ég hef meiri kraft en oft áður til að meina honum inngöngu.
Fyrir akkúrat tveim árum lagði hann mig í rúmið í heilan mánuð og það má ekki koma fyrir aftur. Hann reynir þó.
Mörg góð ráð hef ég fengið; margir vilja meina að ég eigi að fara með hann í sund eða út að ganga. Jú jú - ég er til í það en stundum þá meinar hann mér að fara framúr rúminu og þá verður nú lítið um ferðir út úr húsi. Þá er maður ofsalega fegin að komast bara í sturtu.
En ég ætla ekki að láta undan núna.

Undarlegur andskoti

2007-01-20T18:29:00.000Z

Þessi dagur var slíkur. Ég á það til að vakna stundum svo gjörsamlega uppgefin að ég get hvorki hreyft legg né lið. Í dag var einn slíkur dagur. Ég fann reyndar í gærkvöldi að ég var óvenju þreytt. Við hjón komum heim klukkan 22:00 - Gulli úr vinnu en ég frá að passa Ara minn ljúfastan. Ég fór næstum beint í rúmið og svaf eins og slytti. Heyrði að Gulli var að ræsa þá yngri uppúr hálfátta til að fara að keppa í hanbolta. Mér tókst að komast niður og kyssa barnið og knúsa. Næst farmúrferð var til að keyra Gulla til vinnu. Ég fór og horfði á barnið og félaga hennar keppa og eftir stutta vinnu stund upp á RUV þá komst ég heim og var sofnuð innan stundar. Nú þarf ég aftur á móti að fara að ráðskonu rassast í Loftkastalanum. En þar verð ég búin um tíu í kvöld.
Ég er fegin þegar þessir svefn dagar lenda á frídögum en ekki á vinnudögum.

Geisladiskar

2007-01-19T11:57:00.000Z

Það voru aðeins tveir diskar sem komu upp úr jólapökkunum í ár. Johnnt Cash og Þjóðlög Ragnheiðar Gröndal. Gætu varla verið ólíkari en báðir frábærir.
Með hana Ragnheiði - hún er ótrúleg. Þessi dásamlega rödd og mikið músíkalítet - allt gert af einstakri smekkvísi. Það sem mér finnst þó standa uppúr er hversu ótrúlegum tengslum hún nær til texta laganna sem hún syngur. Ekki bara á þessum disk heldur í allri tónlist sem hún syngur.
Gæti verið að Blástjarnan sé fallegasta íslenska þjóðlagið?

Svona var ég kvödd af unglingnum í morgun

2007-01-19T09:00:00.000Z

"Mamma - þú ert æði.is - Vertu sæl"

Þorrablót Bolvíkinga

2007-01-18T06:58:00.000Z

Eftirfarandi stal ég af vef Höllu Signýjar og finnst gott innlegg í umræðuna um þorrablótið í Bolungarvík:

Mynd úr Víkinni.
Inga er 54 ára Bolvíkingur og er fædd og uppalin hér í Víkinni. Foreldrar hennar fóru alltaf á þorrablótið því þetta var aðalskemmtun ársins þá líkt og nú. Seinna þegar systkini hennar hófu sambúð fóru þau að fara og allir höfðu jafn gaman af. Inga hefur aldrei verið í sambúð en á tvær dætur sem eru nú orðnar gjafvaxta og önnur í sambúð og ætlar á komandi þorrablót. Inga hefur alltaf tekið virkan þátt í félagslífi er í kvenfélaginu og hefur þar setið í stjórn, driffjöðrin í slysavarnarfélaginu og er virkur þáttakandi í öllu því sem gerir mannlífið í Víkinni fallegra og betra.Hún hefur svo sem ekki gert sér grillu út af þessu þorrablóti en samt! Hún á nú oftast vinkonu í nefndinni sem bíður henni alltaf á lokaæfingu svo hún getur notið skemmtiatriðanna sem alltaf eru settar fram af miklum metnaði og mikið lagt í.Inga ætlar að bjóða í mat vinum og kunningjum sem hún veit að fara ekki á blótið enda ekki seturétt.
Gestalisti Ingu lýtur svona út.

Guðrún, hún missti mann sinn fyrir tveimur árum eftir 30 ára hjónaband, þau fóru alltaf á þorrablótið og var eiginlega þeirra eina skemmtun svo hún getur ekki fengið af sér að mæta og vera “stök” alltof margar minningar.

Jóna, hún skildi í maí á síðasta ári, var í nefndinni síðast og búin að vera á 10 þorrablótum. Hún er frekar fúl yfir þessu, en má ekki fara. Fyrrverandi maðurinn hennar náði sér fljótt í nýja konu og mætir því galvaskur á blótið í fullum rétti.

Gulli, er bróðir Ingu, hann er þroskaheftur og býr í Hvíta húsinu. Hann hefur mjög gaman af því að fara á mannamót og mætir alltaf á pöbbinn um hverja helgi til að spjalla við fólkið. Hvers manns hugljúfi.

Stefanía yngri dóttir Ingu, hún er einstæð móðir og vinnur í Bakkavík.

Karl er 30 ára, er íþróttakennarinn á staðnum, samkynhneigður en ekki í sambúð, en á kærasta í Kópavogi.

Róbert, fráskilinn myndalegur karl á sextugsaldri, Inga er nú að vonast til að hann og Guðrún fari nú að taka betur eftir hvort öðru sem kannski leiðir til þess að þau ná þátttökurétti og þeirri stöðu í samfélagi Bolvíkinga að þau verði nógu rétthá til að vera velkomin á Þorrablót Bolvíkinga.

Trans

2007-01-16T12:18:00.000Z

Ég er í transi eftir hádegismatinn hér í vinnunni. Það var alveg hrikalega góður steinbítur. Marineðaður í hvítlauk og einhverju fleiru. Settur í ofn með strengjabaunum. Og ótrúlega góð brún hrísgrjón með. Þetta kemur víst frá Kokkunum.........

Babel

2007-01-14T21:28:00.000Z

Það er verið að sýna úr nýju myndinni Babel eftir mexíkóska leikstjórann sem ég kann ekki að nefna. Mikið hlakka ég til að sjá myndina því ég hreifst af Ástum og hundum og 21 grams eftir þennan sama leikstjóra.
Amores perros var svo sannarlega óhugnanleg en um leið sérlega heillandi. Frábær leikur - það sama má segja um 21 grams. Mæli með þessum myndum fyrir þá sem ekki hafa séð þær.

Góð ráð frá 1950

2007-01-14T21:14:00.000Z

Ég stal þessu frá Hugskoti - síðan ég las þetta fyrir mörgum árum hef ég haft eftirfarandi að leiðarljósi:

1. Hafðu kvöldmatinn tilbúinn á réttum tíma. Það veitir honum þá tilfinningu að þú hafir verið að hugsa um hann og að þér sé annt um þarfir hans. Flestir karlmenn eru svangir þegar þeir koma heim og tilbúinn matur er hluti af því að láta hann finna hversu velkominn hann er heim, en það er karlmönnum nauðsynlegt.

2. Notaðu 15 mín. til að snyrta þig og skipta um föt áður en hann kemur. Hann er að koma heim úr leiðinlegri og erfiðri vinnu og er þreyttur. Vertu svolítið hress og skemmtileg til að hressa hann við.

3. Taktu upp allt rusl og dót. Farðu eina umferð um húsið og safnaðu saman skólabókum, leikföngum, pappírsrusli og blöðum. Renndu svo tusku yfir borðin til að þurrka af og þrífa svolítið. Eiginmanni þínum mun finnast hann kominn í friðarparadís og það hefur mikið að segja fyrir hann.

4. Snyrtu börnin til. Það tekur aðeins nokkrar mínútur að þrífa hendur og andlit og greiða þeim. Ef þarf, skaltu láta þau skipta um föt. Þau eru hans fjársjóður og hann vill sjá þau þannig.

5. Sjáðu til þess að húsið sé hljóðlátt. Slökktu á öllum vélum, s.s. uppþvottavél, þvottavél, þurrkara og ryksugu. Reyndu að sjá til þess að börnin hafi hljótt. Taktu á móti honum með glöðu brosi.

6. Gættu þess að hella ekki yfir hann kvörtunum þegar hann kemur. Ekki heldur kvarta þó hann komi of seint í mat. Þú getur verið viss um að þínar kvartanir eru minniháttar í samanburði við það sem hann hefur þurft að þola yfir daginn.

7. Sjáðu til þess að hann hafi það þægilegt. Láttu hann halla sér aftur á bak í hægindastól eða stingdu upp á því að hann halli sér smástund í rúmið. Vertu tilbúinn með kaldan eða heitan drykk handa honum. Bjóddu honum að klæða hann úr skónum og hagræddu púðunum undir honum. Ræddu við hann með rólegri, mjúkri röddu. Leyfðu honum að slaka á.

8. Láttu hann ráða kvöldinu. Ekki kvarta þó hann fari ekki með þig út að borða eða á aðrar skemmtanir, reyndu í stað þess að skilja að hann hefur fengið sinn skerf af streitu og látum yfir daginn og þarfnast hvíldar heima.

10. Markmiðið er að gera heimilið að stað þar sem eiginmaður þinn getur fundið frið og reglu og getur slakað á eftir erfiðan dag.

Skrýtin helgi

2007-01-14T20:54:00.000Z

Hingað var hringt klukkan hálf ellefu á fötudagskvöldið. Það var Dídí sem býr á móti mömmu í blokkinni -reyndar fermingarsystir hennar að vestan og einn af þessu góðu nágrönnum. Það hafði kviknað í blómaskreytingu hjá mömmu og í fátinu hafði hún tekið brennheitan diskinn upp og fór með í vaskinn.Ég brenndi í Kópavoginn og sótti hana. Upp á slysavarðstofu komi í ljós að hún var með 2. stigs bruna á nokkrum stöðum á hægri hönd og tveim-þrem fingrum á vinstri hönd. Hinir fingur og hendur með 1. stigs bruna. Við vorum upp á slysó til að verða hálf tvö og hún fékk fyrsta flokks umönnun þar. Kvalirnar voru svo miklar að hún þurfti morfín. Það fór svo illa í hana að þegar við komum heim til hennar varð hún illilega lasin. Einhvernvegin leið nóttinn hjá okkur en strax næsta dag varð hún hressari. Ég var hjá henni fram eftir degi, bróðir minn kom síðan og svo gistu Bryndís mín og bróður dóttir hjá henni liðna nótt. Það er huggun harmi gegn að búið var að segja henni að fyrstu tveir sólarhringarnir yrðu erfiðir vegna kvala, en hún hefur ekkert fundið til síðan hún búið var um hendurnar. Ég var hjá henni áðan og hún er öll að hressast.
Í gær borðaði ég síðan með yndislegum vinkonum og fyrrum samstarfskonum úr Sjónvarpinu. Dásamlegur matur og allr svo yndislegt. Það var svo sannarlega gott að slaka á eftir það sem á undan hafði gengið. En mikið rosalega er ég búin að vera þreytt í dag og hef ekki haft orku til eins né neins. Horfði á Dumb and dumber með þeirri eldri - enn og aftur gat ég dáðst af þeim kumpánum. Svo er ég núna að horfa/hlusta á Kolbein Bjarnason spila AHS, Hafliða, Mozart og Bach.
Vinnuvika framundan og margt spennandi. En ég þarf líka að sinna henni mömmu minni.

Litli trommuleikarinn

2007-01-12T13:06:00.000Z

Nú er Bryndís komin í pásu frá saxafóninum og komin í nám í slagverki hjá Tónskólanum. Það var eitthvað óyndi komið í hana vegna saxans og það opnaðist pláss um áramótin.
Í gær kom svo nágranni okkar hann Siggi með sneril til að lánahenni og búið er að kaupa kjuða. Nú er beðið eftir fyrsta tímanum sem er á þriðjudag. Bætist aðeins við skutlið því við þurfum að fara með hana upp í Hraunberg - en það reddast....
Hún velur sér ekki beint hefðbundin stelpu hljóðfæri eða stelpu íþróttir. Karate og slagverk - en það skiptir hana engu

Allt í plati

2007-01-07T21:45:00.000Z

Maðurinn minn á það til að segja mér einhverjar bullsögur af fólki. Sérstaklega þegar ég spyr frétta úr Efstleitinu þá á hann það til að fabúlera eitthvað.Hann nær mér stundum en ef ég horfi á hann þá veit ég alltaf þegar hann er að bulla því svipurinn kemur upp um hann.
Á föstudag þá byrja að pumpa hann hvort ekki séu neinar fréttir af fólki. Nei að var ekkert sérstakt að frétta nema að Magni væri skilin við kærustuna sína.Já já -ha ha ha - ég ætlaði nú ekki að láta ljúga því að mér. Það fyrsta sem ég las í Fréttablaðinu á laugardaginn var um þessi sambandsslit.
Hann er nú búin að vera með mömmu í símanu í a.m.k. hálftíma og lóðsa hana í gegnum DVD tækið. Hún er ekki alveg með þessa tækni á hreinu. Það er alveg klárt að ég hef ekki þessa þolinmæði.

Allt búið

2007-01-07T21:43:00.000Z

Jæja -þá fóru jólin niður í kassa í dag. Gekk bara vel og allt hreint og strokið á eftir. Fyrir kvíðakassa eins og mig þá hefur það gerst að ég hef kviðið jólunum því ég kvíði fyrir að taka þau niður. Ekkert slíkt þessa daga.

Einhver óróleiki

2007-01-07T02:19:00.000Z

Ég get ekki sofið. Við hjón og kisa erum stelpulausar. Þær eru búnar að vera hjá ömmu sinni i dag - hjálpuðu henni að taka niður jólin, lásu, prjónuðu og borðuðu svo það besta í heimi: grjónagraut hja ömmu. Eitt örlítið andartak datt mér í hug að gaman væri að kikja í bæinn. Það var mjög stutt andartak.
Við gláptum á allar þrjár myndirnar í kvöld og mér þótti þær allar skemmtilegar þó ólíkar væru. Eg gat hlegið að unglingavitleysunni, Taggart brást ekki og svo var góð dönsk mynd í lokin.
Ég er að lesa Tryggðarpant Auðar Jónsdóttur og hef gaman af. Hef ný lokið við að lesa Þriðja táknið og eftir þann lestur held ég að ég þurfi ekki að lesa nýju bókina hennar Yrsu.
Mikið djöfulli verð ég reið þegar Bush opnar munninn - eða bara yfir höfuð þegar ég sé hann eða dettur hann í hug. Nú er komin tími til að stopp fjandann og ég vona svo sannarlega að nýja þingið megni að stöðva enn frekari peningastreymi til Íraks. En finnur hann þá ekki bara aðrar leiðir þannig að hann fái pening án þess að fara í gegnum þingið?

Nýtt ár

2007-01-01T15:03:00.000Z

Gleðilegt ár elskurnar mínar!
Hér var stuð og fjör í gær og mér fannst skaupið skemmtilegt. Í Litlugötu söfnuðust íbúar og aðrir nágrannar saman og skutu upp í gríð og erg. Þetta er skemmtileg hefð hér í götunni -allir saman. Síðan er flakkað á milli húsa. Við byrjuðum hjá Elfu og Einari hér við hliðina á okkur. Þar var spilað á píanó og bassa og ég fékk að taka númer. Síðan lá leiðin til Svenna og Auðar á endanum og þar var dansað við Abba - ungir og gamlir. Ég endað hjá Baldri og Finnu Birnu og var þar til klukka að verða 06:00. Sko mína - þetta getur hún enn. Ég er hálf rám enda má segja að ég hafi verið í leysingum (lesist: talaði mikið) á síðasta staðnum.
Nú ætla ég að trutta til hér heima- hér er confetti út um allt og svo að taka það rólega. Við erum sem betur fer öll í fríi á morgun.

Nicole Kidman

2006-12-31T16:00:00.000Z

Eldri dóttir mín er rauðhærð og með föla gegnsæja húð. Tískan segir að flott sé að vera brúnn og sællegur.Við höfum keypt brúnku klúta á andlitið og hún er ánægð með það. Áðan voru miklar umræður þar sem fram kom hjá henni að henni finnst ógeðslegt að líta á sjálfa sig í spegli þegar hún er svona föl. Ég gúglaði Nicole Kidman sem hefur sama litarhátt og hún-jú jú þetta klæðir hana vel en ekki mig, var svarið.

Fallegur og rólegur dagur

2006-12-31T15:50:00.000Z

Tókum einn Laugavegs rúnt eftir að við keyptum flugelda.Miðbærinn var fullur af fólki að spóka sig í blíðviðrinu.Held að við höfum séð þrjá íslendinga. Hlustaði að hluta til á Þórdísi, Ágúst Borgþór og Salvöru á Rás tvö. Ræddu um blogg og fleira. Alveg prýðilegt.
Ég glotti þegar ég las Badabing um daginn.Þar skrifaði hann um þessa keppni að fá sem flesta til að lesa síðuna sína.Hann líkti þessu við að búa í blokk og monta sig af hversu margir snerta hjá þér hurðarhúninn.

Flugeldar

2006-12-30T14:36:00.000Z

Ég ætla að kaupa mína flugelda hjá hjálparsveitum. Við vitum aldrei hvort eða hvenær við eða einhver sem er okkur nákomin þarf á hjálp þeirra að halda. Og það er frábært að vita til þess að það er fólk þarna úti sem er tilbúið að fara hvenær sem er til leitar eða hjálpar t.d. eftir náttúruhamfarir. Nú er ég eins og auglýsing en ég meina þetta frá hjartanu. Þegar aðrir en hjálparveitir og skátar eru að selja þá er þetta svona eins og hjá stórmörkuðum og lágvöruverslunum með bækur og diska fyrir jóli. Þú færð enga þjónustu en ætlar þér að græða þegar mest er um að vera.

Og tímin líður.......

2006-12-30T00:17:00.000Z

Klukkan komin fram yfir miðnætti aðfaranótt laugardags og svefninn víðs fjarri - enda bældi ég bólið fram eftir degi og dottaði yfir sjónvarpinu áðan. Guðni Már að spila rokk og ról. Manninn minn dauðþreyttur upp á lofti. Hann er að vinna eins og m.f. við að koma íþróttaannál ársins saman. Tveggja tíma prógram sem verður á dagskrá á gamlársdag. Svo fer hann í Stykkishólm á morgun í körfubolta OB.
Ég ætla að versla. Djöfull er þetta leiðinleg færsla!!!!!!!!!!
Ég fór í forgarðinn í dag til að skila og skipta. Fór í tískubúð eina til að skila arabaklút sem sú eldri fékk því hana langaði í svartan og hvítan en ekki rauðan. Sá svart/hvíti var ekki til og ég spurði hvenær ný sending kæmi. "Það verður ekki fyrr en eftir áramótin". Tek það fram að klukkan var hálf sjö föstudaginn 29. desember

Hvílík afslöppun!

2006-12-29T13:41:00.000Z

Gleðileg jól elskurnar mínar - smá skýrsla
Aðfangadagur leið ljúfur og góður. Maturinn var fínn og við tókum upp gjafir í rólegheitum. Gvöð hvað hlutirnir hafa breyst síðan stelpurnar voru friðlausar og veltust um gólfið í sparikjólunum meðan fullorðna fólkið borðaði.
Jóladagur fór í að undirbúa kvöldið -hér var mikið gaman yfir hangikjöti, uppstúf og hinum ýmsu rauðvínstegundum sem gestirnir drógu upp úr pússi sínu. Fullorðna fólkið sat lengi til borðs meðan ungviðið skemmti sér við eitt og annað.
Annar dagur jóla var nákvæmlega eins og ákveðið var: við veltumst á milli sófa og rúms, horfandi á dvd, lásum, átum og rifjuðum um skemmtileg atriði dagsins áður. Tartalettur og tilheyrandi í kvöldmat og við hjónin föttuðum að dætur okkar vissu EKKI hvað tartalettur voru. Tartalettur voru ómissandi á okkar barnajólum.
Ég var í fríi á miðvikudag en fór til vinnu í gær. Ég er líka í fríi fram eftir degi í dag en þarf að skreppa í 2 - 3 tíma á eftir.
Meira síðar.
Bæ ðe vei þá er ég að brjálast á sprengjuhljóðum hér fyrir utan. Hvernig verður þetta þegar nær dregur áramótum. Sé að löggan var að renna upp að skólanum -einhverjir að sprengja þar..

Þorláksmessa

2006-12-23T14:53:00.000Z

Búið að taka af öllum rúmum. Gulli er búin að skera rauðkálið og það kraumar í fimmtán lítra pottinum. Einnig malla epli í eplaköku í potti. Búin að gera raspið í eplakökuna. Þrjár hangikjötsrúllur bíða suðu -15 mann hér í mat á jóladag. Nautalundin bíður í ísskápnum. Á eftir að gera súkkulaði músina sem er i eftirmat á morgun. Freyðivínið bíður kælingar - rauðvínið við hliðina á eldavélinni bíður eftir réttu hitastigi.
Ég á eftir að setja ótal kerti í stjaka.Pökkuðum inn í gær öllum pökkum sem fara úr húsi.
Á eftir ætlum við öll út í síðasta stúss.
Gæti lífið verið betra..........

ps. jú - ef við hefðum fengið rjúpu eða hreindýrakjöt

Laugavegurinn

2006-12-22T09:31:00.000Z

Við mægður tókum rúnt á Laugaveginum í gær í hvassviðrinu milli 17:00 og 19:00. Það var nú ekkert mál - fínt skjól á Laugaveginum og bara hressandi að fá smá loft í kroppinn. Fórum einnig á Klapparstíg og upp á Skólavörðustíg - missti mig aðeins þar í barnafötunum.
Enduðum á Núðluhúsinu - nammi nammi namm.
Klukkan 22:00 fór ég síðan á tónleika Dómkórsins í kósíheitum niðrí Dómkirkju.
Ég er rosalega þreytt núna og greinilega ekki búin að ná fullum dampi eftir veikindin.

Humar og frægð

2006-12-22T09:29:00.000Z

Sáuð þið humarinn í opnu Blaðsins í dag? Þar var ykkar einlæg í opnuviðtali. Nú hlýt ég að verða fræg. Og takið eftir stöflunum af laufabrauði bak við mig. Svona er ég myndarleg húsmóðir...

Falleg hrúga

2006-12-21T13:16:00.000Z

Í svefnherbergi Bryndísar í morgun - þrjár stelpur sváfu vært í jólafríi. Ein rauðhærð, ein skolhærð og ein svarthærð. Mínar fölar eftir íslenskan vetur - Veronika brún og falleg. Hún er fædd í Tælandi en var ættleidd hingað tveggja ára gömul. Foreldrar hennar eru íslensk/amerísk og halda heimili bæði á Háaleitisbraut og í Los Angeles. Hún er jafn gömul þeirri yngri og hittir stelpurnar á sumrin og um jól því þær mæðgur búa nú vestanhafs. Í gær þegar við sóttum hana þá tóku stelpurnar upp þráðinn eins og ekkert væri - ekkert mál þó þær hefðu ekki sést í fjóran og hálfan mánuð.

Þær gömlu passa upp á sínar

2006-12-20T22:56:00.000Z

Mamma mín býr í blokk og í húsinu eru þær nokkrar ekkjurnar sem eru talsvert fullorðnar. Þær kíkja til hver með annari, fara út í búð hver fyrir aðra,skiptast á dagblöðum, eru með lykla hver að íbúð annara. Dálítið notalegt og krúttlegt - sérstaklega þegar mamma mín 80 ára bankar hjá einni enn eldri og spyr hvort hana vanti eitthvað úr búðinni.
Um daginn þá var mamma niðrí anddyri og ein vinkonan var eitthvað völt á völubeini. Mamma sá að hún var að fara að detta aftur fyrir sig og svo hún fengi ekki skell tók hún af henni fallið og saman duttu þær kyllifaltar afturá bak. Nú er mamma mín með samfallna hryggjaliði og hin eldri með ljótan marblett.

Jólagjafir

2006-12-20T22:54:00.000Z

Ég hef yfirleitt ekki miklar áhyggjur af jólagjöfum. Þarf samt að kaupa slatta en veit yfirleitt nokk hvað ég ætla að kaupa.
En það fylgir böggull skammrifi - ég þarf einnig að finna út og kaupa það sem við hjón og börn fáum frá ættingjum. Bætir aðeins á vinnuna.....

Að gera eins og maður segir!!!

2006-12-20T22:51:00.000Z

Var í svaaaaa umferðarteppu á Sæbrautinni í dag. Það tók mig 50 mínútur að komast það sem ég fer yfirleitt á 10 mínútum. En ég var kurteis, þolinmóð, tillitsöm, brosandi og hreint út sagt fyrirmyndar bílstjóri. Gat meira að segja látið rás tvö vita af þessari hrikalegu röð og þeir komu því í loftið.

Jólaball

2006-12-20T22:48:00.000Z

Sú yngri var að undirbúa sig undir jólaball í skólanum í morgun -undirbúningurinn fólst í því að skipta um gallabuxur og bol. Ring ring "Hæ, já (fliss) já, já. Okey" Þetta var þá bekkjarsystir. Ég spurði hvort hún ætlað að koma við og vera samferða. "Nei - hún var bara að spyrja hvort ég ætlaði með maskara"

Bogg tregða og veikindi

2006-12-19T12:32:00.000Z

Ég hef verið með blogg tregðu undanfarna daga. Veit ekki af hverju. Nú er ég lasin heima og fór ekki til vinnu í gær og í dag. Viðbjóðslegt kvef, hausverkur og almennur aumingjagangur! Ég fór til vinnu á föstudag en hefði betur sleppt því. En stundum eru hlutirnir þannig að maður hefur enga stjórn á þeim. Helgin fór að mestu í snýtingar og hnerra - þó tókst mér aðeins að stússast hér heima við á laugardeginum. Á sunnudeginum voru tvö boð - ég fór í það fyrra og kom heim með hita, en það var samt sem áður rosalega gaman. Þar hitti ég fullt af skyldfrænkum og eitthvað af frændum. Fullt af börnum sem stelpurnar höfðu gaman af að hitta. Mikil bægslagangur og brussulæti enda Árdalsfólkið þekkt fyrir flest annað en fíluskap. Og ég, Wincie og Anna Sigga stórsöngkona (hún fékk að vera með!) létum ekki okkar eftir liggja í gassagangi. Kom úr þessu boði klukkan 17:00. Matarboð hjá litlu fjölskyldunni á Tómasarhaganum klukkan 18:30. Rétt rak þar inn nefið og kyssti sjaldséðna ættingja frá Kanada og Stokkseyri. Skildi stelpurnar eftir og fór heim, enda ekki í húsum hæf.
Í gegnum allt þetta var Gulli að vinna.
Nú ætla ég að leggja mig því ég VERÐ að fara í vinnu í 1 - 2 tíma seinnipartinn. Verð rám og nefmælt á rás tvö rétt upp úr klukkan 17:00
Adiu

Orð að sönnu

2006-12-09T15:13:00.000Z

Sagt í tímaritsviðtali sem ég las um daginn:
"Engin fjölskylda er hamingjusamari en óhamingjusamasti meðlimur hennar"

Sagði kona um börn sín

2006-12-09T15:07:00.000Z

"Ég dýrka börnin mín" las ég í blaðaviðtali í dag.
Ekki vildi ég vera dýrkuð og get ekki hugsað mér að dýrka nokkra lifandi manneskju. Það sem helst má líkja við dýrkun er taumlaus aðdáun á lifandi listamanni. Getur verið að hún sé að rugla þvi saman að elska börnin sín skilyrðislaust og að dýrka þau?

Helgin

2006-12-09T14:59:00.000Z

Það er laugardagur og sort númer tvö að fara í ofninn. Þetta finnst mér skemmtilegt. Í gær fór ég með unglingnum í forgarð helvítis = Kringluna. Það var furðurólegt þegar við vorum þar milli 18:00 og 20:00. Keypti kjulla í Nóatúni og var sofnuð fyrir 23:00 eftir langa og stranga viku. Ég fór ekki framúr fyrr en undir hádegi. Maki og börn voru öllu brattari og vöktu lengur. Gulli fór síðan að senda út skák beint úr sjónvarpssal.
Það lítur út fyrir að við verðum tvö í kotinu í kvöld og ég er að hugsa hvort við bregðum okkar af bæ og tökum einn rúnt um bari Laugavegsins.
Fallegt veður og lífið er bara nokkuð gott.
Á morgun ætlum við að steikja laufabrauð og hafa heitt hangikjöt.

Fermingaraldurshúmor

2006-12-05T09:32:00.000Z

Ég held að ég sé enn stödd húmorslega eins og í kringum fermingu því mér finnst færeyska enn fyndin og hlæ þegar ég sé hana skrifaða. Þegar Auðun frændi minn fermdist 1973 þá var honum gefin færeysk orðabók og við frændsystkinin - flest á svipuðum aldri - veltumst um af hlátri í veislunni yfir þessum orðaskrípum.
Annað gerðum við okkur til skemmtunar í veislunni og það var að kveikja á eldspýtu og reka svo við í logann og sjá hann magnast. Þetta fannst okkur líka sjúklega fyndið og hreint orguðum af hlátri.
Þetta hef ég ekki gert síðan þarna í veislunni og reikna með að vera vaxin upp úr þessum húmor - þó er aldrei að vita fyrst ég man svona eftir þessu. Gæti gert þetta næstu þegar ég hef bókstaflega ekkert að gera. Læt ykkur vita.

Listhátíð

2006-12-04T10:03:00.000Z

Ekki er ráð nema í tíma sé tekið. Búin að panta miða á Helga Tómasson og San Fransisco ballettinn þann 16. maí. Mamma mín býður stóru stelpunni sinni.

Og svo fara gestir að nálgast 1000 sem hafa heimsótt mig síðan ég setti teljara og poppaði upp síðuna. Endilega láti sá eittþúsundasti vita - það væri voða gaman......

Írak

2006-12-04T07:59:00.000Z

Ég heyrði í fréttum klukkan 06:00 að Kofi Annan vill koma á friðarráðstefnu til að reyna að bæta ástanið í Írak og að ástandið þar sé nú verra en það var áður en Saddam var steypt af stóli. En er ekki allt í lagi - á ekki að draga Bush, Blair og fleiri talsmenn þeirra ríkja sem skrifuðu undir stuðning við árásina í Írak til saka?

Helgi liðin

2006-12-03T23:33:00.000Z

Já - komið sunnudagskvöld. Enn ein helgin og tveir látnir eftir umferðarslys. 27 á árinu. Þetta verður erfið vika.

Aðventukrans

2006-12-01T13:31:00.000Z

Ég hef aldrei haft aðventu krans - jú kannski fyrir langa löngu en ekki nú í mörg ár. En nú verður breyting á - við bökuðum krans í gær. Reyndar tvo. Það var svaka gaman að flétta þá. Á eftir ætla ég að fara í Garðheima og kaupa fjólublá kerti og borða -EKKERT SVART- og skreyta lítillega þessa kransa.
Svo verða kertaljós og kósheit á heimilinu.

Saga

2006-12-01T11:46:00.000Z

Var þetta ekki svona: 1894 - þá fegnum við stjórnarskrá. 1904 varð Hannes Hafstein fyrsti ráðherra Íslands. 1918 fengum við okkar eigin ríkisstjórn og var Jón Magnússon fyrsti forsætisráðherra landsins. Við áttum síðan að fá sjálfstæði 1943 - 25 árum síðar - en það dróst vegna stríðsins um eitt ár. Pabbi minn var á móti því að við yfirgæfum Dani í miðju stríðinu og greiddi atkvæði á móti því í þjóðaratkvæðagreiðslu.
Jón Magnússon ráðherra varð síðan bráðkvaddur þegar hann fylgdi danakonungi um landið. Jón er afabróður hans Gulla míns - bróður Sigurðar Magnússonar læknis. Sigurður og margir í hans fjölskyldu voru lagðir í einelti þegar Jónas frá Hriflu komst til valda því Jónas var svarin óvinur Jóns Magnússonar og beitt sér þannig að þeir sem honum tengdust fengu ekki vinnu og aðra fyrirgreiðslu.
Pabbi minn var mikill framsóknarmaður og mikill aðdáandi Jónasar - hann sá þó eins og margir hvað valdið fór illa í Jónas.
Amen

Bækur og diskar

2006-11-30T09:39:00.000Z

Ég keypti mér nýlega diskinn með Jóhanni Helgasyni - hann er alveg frábær. Nú langar mig í diskinn með Helga Rafni. Mér skilst að það séu aðallega skríkjandi menntaskóla stúlkur á tónleikum hjá honum - en það sem ég hef heyrt er rosalega gott.
Ég var að klára Villtu vinna miljarð - óskiljanleg þýðing því hún heitir á ensku Q and A. En góð bók sem ég mæli með. Svo hafði ég mig loks í að lesa Sögu Thelmu. Skelfilega getur heimurinn verið vondur.
1. febrúar er svo dagurinn þegar hægt er að panta bækur á bókasafninu. Ég elska Sólheimasafnið. Þarna hittir maður hverfunga sína - dálítið eins og hverfiskrá og starfsfólkið er alveg afbragð. Börnin fara þarna inn til að hlýja sér og kíkja í blöð og það ofsalega krúttlegt þegar verið er að lýsa deginum og svo kemur "svo fórum við á bókasafnið...."

Morgunstund

2006-11-30T07:27:00.000Z

Stelpurnar farnar í Hafnafjörð að kvikmyndast. Klukkan er ekki hálf átta. Dimmt úti. Ég get farið og kúrt í klukkutíma í viðót hjá stóra mínum. Sjáumst síðar......

Ef ég ætti milljón

2006-11-29T18:35:00.000Z

Ég væri alveg til að fara til heitari landa um jólin. Kanarý var fínt í fyrra og ég gæti alveg hugsað mér að vera þar hver jól. Málið er bara að fjögurra manna fjölskylda þar sem báðar fyrirvinnur eru ríkisstarfsmenn hefur ekki ráð á að fara í slíka ferð nema endrum og sinnum.
Ef þið eruð með aur á lausu þá tek ég við........

Sjónvarpskvöldið mikla

2006-11-29T17:58:00.000Z

Jæja þá er það sjónvarpsgláp í kvöld. Fyrst Bráðavaktin - hef aðeins misst úr einn þátt öll þau ár sem myndaflokkurinn hefur verið sýndur. Síðan er það ANTM - 7. serían að byrja og ég ætla sko ekki að missa af þessari seríu frekar en hinum. Svo eru það fréttir klukkan 22:00 og svo The L-word. Að sjálfsögðu tek ég upp breska grínið sem er klukkan 21:00. Er þetta normal?.
Ég bara nenni engu öðru - mig langar t.d. niðrí Ráðhús og hlusta á Bogomil Font og Stórsveitina en 100 villtir hestar næðu ekki að draga mig út.
Ég ætla að elda kjúkling eftir uppskrift Jóhönnu Vigdísar og hafa það kósí.
Hún yngri dóttir mín hefur ekki alveg verið verklaus í dag; skóli til klukkan 14:00, saxafónn klukkan 15:00, handbolti klukkan 16:00 og og svo er hún núna í karate til klukkan 19:00.

Dimmt og notalegt

2006-11-28T18:01:00.000Z

Við druslumst hérna mæðgurnar - þær stússast í herbergjum og ég hlusta á kvöldfréttir- þær fyrstu í kvöld. Bryndís mín hefur verið með hor í nös og slöpp og var heima í gær og dag. Ég var heima hjá henni í gær og vann til 13:00 í dag og var svo bara heima hjá minni. Nú er trommað við hliðina á mér - 10. bekkingurinn Siggi nágranni að æfa sig. Ég ætla að elda pasta og eitraða sósu úr niðursöoðnum tómötum með. All rólegt í Vogahverfi - og lífið er ósköpin öll gott. Þessi vika verður rólegri en sú fyrri - ég þarf að koma út jólagetrauninni til nemenda í 1. - 5. bekk í vikunni og vinna að einu og öðru. Hef ég virkilega ekkert merkilegt og spennandi að segja? Eiginlega ekki og kveð ykkur að sinni......

Föstudagur

2006-11-24T15:19:00.000Z

Jibbý - búið að vera rosalega mikið að gera en æðislega gama! Ari litla ljósið mitt gisti í þrjár nætur og það var gaman að leika ömmu on the side. Svo var ég með erindi á Umferðarþingi í gær og það gekk ljómandi vel.
Á eftir ætla ég að gera það sem gerir mig klikkaða - far á a.m.k. fimm staði í föstudagsumferðinni - í staðin sé ég fram á náðugan laugardag.
Annað kvöld er svo árlegur kvöldverður íþróttadeildar RÚV og matseðillinn er vægast sagt girnilegur. Það verður tryllt fjör hjá framsóknarmanninum.
Á sunnudag bíður mín skemmtileg vinna frá 10:00 um morguninn og fram eftir degi - en það er leyndó........
Svo kemur mánudagur með helling af skemmtilegum verkefnum
Af hverju er ég svona ógeð jákvæð!

Lífið er yndislegt -

Dýr pappír - en merkilegur?

2006-11-24T15:18:00.000Z

Mikið vildi ég að ég gæti selt pappír og grætt 56 miljarða á því

Dauður kall

2006-11-20T00:38:00.000Z

Það sem mér datt í hug þegar ég heyrði að Milton Friedman væri dáinn var frábær frammistaða Elínar Þóru Friðfinnsdóttur þegar hún lék þennan sköllótta litla kall eitt sinn í áramótaskaupi. Það var rosalega fyndið - ég held að Guðný Halldórs og Kristín Páls hafi stjórnað því skaupi.

Notalega......

2006-11-19T12:16:00.000Z

Ég er notalega þunn eftir að hafa drukkið vel af víni í matarboði hjá Baldri lávarði í gær. Það tók talsverðan tima að fá leigubil í nótt og mikið var gott að koma heim. Við Anna Kristín ætlum að fara til mömmu seinni partinn og borða slátur. Bryndís fer í afmæli. Verst að Gulli minn þarf að fara að vinna. Ég ætla að hlaða batteríin í dag enda mjög annasöm vika framundan. Ég hlakka til enda flest verkefnin skemmtileg. En það er líka ein jarðarför í vikunni. Jarðarförin hans Kjartans sem lést í vikunni langt um aldur fram.
Svo er Umferðarþing á fimmtudag og föstudag og við stöllurnar ég og Ásta Egils úr Grundaskóla erum með erindi á fimmtudeginum. Ari minn Dignus verður hér í þrjár nætur og ég fæ að sækja og fara með á leikskólann og baða og gefa að borða og syngja með og skifta á bleyju og knúsa og kyssa og purra á maga og allt. Mikið hakka ég til. Gunnhildur Óskarsdóttir vinkona mín ver doktorritgerðina sína á þriðjudag og ég hlakka til að gleðjast með henni. Svo eru fundur í skóla stelpnanna og fundur í vegna fermingar og og og og.....

Og orðið góða.....

2006-11-17T11:52:00.000Z

Um daginn spurði yngir stelpan hvað væri söfnuður í kirkju. Við svörðum eitthvað á þá leið að það væri fólkið tilheyrði hverri og einni kirkju. Það færðist roði yfir andlit barnsins og hún varð dálitið aulaleg á svipinn. Aðspurð sagði hún að hún hefði haldið að söfnuður í kirkju væri eitthvað tæki eða áhald sem safnaði. Ég er búin að vera að hugsa hvað hafi farið í gegnum höfuðið á barninu í kristnifræðitímum s.l. tvö ár: söfnuðurinn kom saman, söfnuðurinn stendur upp, söfnuðurinn tekur undir í söngnum, ekki náðist samkomulag í söfnuðinum etc.
Þegar ég var lítil og mamma var eitt sinn að lesa fyrir mig um Heiðu og afa þá kom fyrir setning á þá leið að Heiða mundi eftir einhverju. Ég spurði hvort hún hefði fengið minnið aftur - hún hefði nú verið munaðarlaus.
Svo var það drengurinn sem spurði hvar kyrrþey væri..........

Panik fundur!

2006-11-16T15:29:00.000Z

Gulli var að segja mér að það sé búið að boða til panik funda hjá tæknideild RÚV.
Hingað til hefur verið hægt að kenna "tæknilegum mistökum" um ef eitthvað fer úrskeiðis í útsendingu sjónvarps. Nú hefur það fengið allt aðra og nýja merkingu.......

Nýtt útlit

2006-11-16T15:25:00.000Z

Nýja útlitið á blogginu mínu eru ekki tæknileg mistök heldur með vilja gert eins og hjá Árna. Nú spyr ég: er það ekki flott - og með linkum og öllu? Mér fer fram......

Viðbjóðslegur kuldi

2006-11-16T14:38:00.000Z

Nú er ég að fara heim - fyrst þarf ég að fara út í þennan djöfullega kulda. Á eftir kemur svo Ari minn og ætlar að vera hjá okkur í smá stund. Við fáum svo kútinn í næstu viku og hann ætlar að gista hjá okkur í hvorki meira né minna en þrjár nætur. Ó hvað ég verð orðin mikil unga mamma og leikskólavön þegar því lýkur.

Mjá mjá

2006-11-16T07:09:00.000Z

Ekkert mjá mjá heyrðist þegar ég staulaðist niður fyrir klukkan 06:00 í morgun. Og ekkert mjá mjá þegar ég skrúfaði frá sturtunni - hún kemur yfirleitt obbbboðslega letileg fram úr herbergi annahvorrar stelpnanna þegar hún heyrir vatnið renna. Ég var aðeins með hnút - en svo kom hún fram þegar ég var búin að sturta og blása. Mikið var ég fegin.......

Ég er ótrúlega vinsæl og verð rosalega fræg

2006-11-16T07:06:00.000Z

Í gær vorum við mægður í tökum á atriði úr Duggholufólkinu sem Ari Kristinsson er að leikstýra. Lékum á móti eðal leikkonunni Brynhildi Guðjónsdóttur. Þetta var alveg gasalega gaman.
Á morgun verð ég síðan hjá Felix og Guðrúnu á milli sex og sjö og tala þar fjálglega um James Bond ásamt fleiri "sérfræðingum". Ég hef miklar skoðanir á Bond og grunar að ég sé eina manneskjan hér á landi sem hefur tekið háskólakúrs upp á þrjá punkta um njósnara hennar hátignar.......

Vetrarfríið

2006-11-10T10:05:00.000Z

Jæja - komin til byggða - fyrir nokkrum dögum - Sigló var æði.
Siglufjörður - hvað ætlið þið að gera þar um miðjan vetur? Sumir voru hissa á að við færum þangað í vetrarfrí.
En mér líður óskaplega vel þarna. Þetta er bærinn þar sem pabbi minn og hans systkin ólust upp í og þarna var ég mörg mörg sumur hjá föðursystur minni. Þá var alltaf sól.
Úr húsinu sem við höfðum að láni sáum við gaflinn á Norðurgötu 9. Það er húsið sem afi minn og amma reistu og bættu við herbergjum þegar börnunum fjölgaði. Þarna var afi líka með bókabúðina sína fyrstu árin.
Föðursystir mín seldi húsið að ég held 1991 og því hefur verið vel við haldið alla vega lítur það vel út að utan. Mér skilst að núverandi eigandi sé Úlfar Eysteinsson matreiðslumaður.
Það hafa margir keypt gömlu húsin í bænum og gert þau upp. Heimamenn eru ánægðir með það.
Ég ætla aftur í vetur.

Date böll

2006-11-03T10:51:00.000Z

Þau tíðkast í sumum skólum - þá bjóða strákar stelpum og stelpur strákum. Síðan fara þau saman á ballið. Þetta er sikk - við erum að taka upp óþolandi siði sem hafa gert mörgum lífið leitt í henni Amríku t.d. Ég talaði við menntaskóla kennara í gær og þetta mál kom upp. Hún sagði að skiptinemar sem kæmu hingað frá Bandaríkjunum væru alsælir með að vera laus undan þessari date pressu.
Í skóla sem ég þekki til þá voru þeir sem ekki voru komnir með date fyrir ballið settir í tvo potta og svo var dregið saman.
Ef þetta er ekki að kynda undir félagslegt einelti þá veit ég ekki hvað.
Það er ekki nóg að þetta sé erfitt fyrir þá sem ekki eru sterkir á svellinu félagslega heldur er þetta gríðarlega pressa á alla.
Og eins og ein ágæt kona sagði við mig í gær - er eðlilegt að stelpa í áttunda bekk fari með strák í tíunda bekk. Það munar gríðarlega í aldrei þó árin séu bara tvö.
Nú er árið 2006 - er þetta normal......ég spyr

Potturinn

2006-11-03T10:50:00.000Z

Æi ég gæti svo hugsað mér að vinna rauðvínspottinn í dag - ég hef einusinni unnið 1. verðlaun og það voru einhverjar fjórtán flöskur - dálið næs..

Vetrarfrí!

2006-11-01T14:26:00.000Z

Já nú er komið að því - vetrarfrí er brostið á í grunnskólum Reykjavíkur. Við fjölskyldan ætlum að leggja land undir fót (dekk) og halda á Sigló. Einn saungfjelagi minn í Dómkórnum ætlar að lána okkur húsið sitt og fá í staðin að fara í okkar athvarf í Grímsnesinu við tækifæri.
Á Sigló ætla ég að heimsækja bróður minn oft og mikið, ganga um svæðið, elda góðan mat og bjóða Ástu hans Birgis til okkar o.fl.
Við erum líka að hugsa um að skreppa á Akureyri og bjóða Gunnari bróður með - skoða þar jólahúsið og kaupa okkur Brynju ís. Vona að færðin verði þokkaleg. Förum á morgun og komum á mánudag. Unglingurinn í kjallaranum og kötturinn Soffía passa húsið.......

Tíu fingur

2006-10-30T13:40:00.000Z

Ég hef haft rosalega gaman af þáttunum á sunnudagskvöldum og sit sem límd við tækið. Þetta eru frábærir þættir - góður umsjónarmaður og pródúsjónin fín. Það er svo gaman að heyra tónlistarmann ræða við aðra tónlistarmenn því spurningarnar eru markvissar og Jónas er náttúrulega afar fróður og getur reagerað á það sem viðmælendur hans segja og skotið inn skýringum ef honum þykir þess þurft.
Í gær var svo minn gamli píanókennari Halldór Haraldsson aðalið í þættinum. Og svakalega spilaði maðurinn! Hann á eftir eitt ár í sjötugt og spilalaði fanta vel og allt utan bókar. Geri aðrir betur.....

Sólargeisli

2006-10-26T13:42:00.000Z

Í dag er viðtal við nágranna okkar - hana Elvu. Hún er nýkomin frá því að keppa í fimleikum á Ólimpíuleikum. Elva er með einhverskonar þroskafrávik en er dugleg í fimleikum og syngur með Gradualekórnum í Langholtskirkju. Hún hefur nokkrum sinnum komið heim og Anna farið til hennar og hún ein sú jákvæðasta og dásamlegasta manneskja sem ég hef hitt. Hún er mikið úti á skólalóð og rólar þar eins og hún eigi lífið að leysa. Hún hefur svo fallegt og skemmtilegt viðmót að allir sem umgangast hana verða einhvernveginn léttir í skapi. Og það er svo margt fallegt og gott í lífinu.....

Hvernig á maður að meika þetta!

2006-10-25T13:04:00.000Z

Það vita það allir sem reka heimili að það er dýrt. Svo þarf að borga af námslánum, bílalánum, húsnæðislánum, námslánum, síma, rafmagn og allt sem fylgir.
Við hjónin erum bæði ríkisstarfsmenn. Allir vita hverslags láglaunastefna er rekin hjá Ríkisútvarpinu. Í mínu fyrirtæki er launaleynd.
Í þessum mánuði bættust við eftirfarandi útgjöld: Æfingagjöld í handbolta -25.000. Íþróttagalli til að keppa í - 10.000. Greining hjá sálfræðingi - 30.000. Smurning og pera í bíl - 6.000. Sprauta og ormapilla fyrir köttinn 5.000.
Þetta eru heilar 76.000 krónur ef mér skjáltlast ekki.
Hvaðan á maður að taka þessa peninga......

Það sem ég er stundum kölluð!!!

2006-10-25T10:49:00.000Z

Í gær var ég kölluð prumpulöggan

Neyðin kennir

2006-10-25T10:48:00.000Z

Hvað haldið þið að ungfrú umferðarútvarp hafi notað í morgun til að skaf af bílrúðunum? Pínulítinn Smint pakka.......

24. október

2006-10-24T12:00:00.000Z

Dagur Sameinuðuþjóðanna í dag. Ég hef áður bloggað um hversu dásamlegur þessi dagur var 1975 og ég hélt í einfeldni minni og barnaskap að jafnrétti kynjanna væri svo til í höfn.
Í dag hefði tengafaðir minn orðið 89 ára. Hann dó langt um aldur fram aðeins 49 ára. Hann varð bráðkvaddur 16. desember 1966. Gulli minn var níu ára og Siggi bróður hans 14 ára. Tengamóðir mín var 43 ára og náði sér aldrei fyllilega eftir þetta sviplega fráfall. Þau hjónin höfðu lifað hamingju sömu og innihaldsríku lífi og allt í einu er fótunum kippt undan henni. Hún fékk það viðmót frá samfélaginu sem margar ekkjur fá - þær þykja ekki æskilegar í blönduðum félagsskap.
Afi og amma Gulla fluttu inn á heimilið og sambúðin var einkar gæfurík. Hún Bryndís okkar heitir í höfuðið á langömmu sinni.

Siribiribibb

2006-10-24T09:26:00.000Z

Ég var geðveikt smart í eldhúsinu í morgun. Það var viðtal við Helenu Eyjólfs og á eftir var spilað Siribirbibb. Ég notaði epli og oststykki sem Helenustokka og dansaði og söng. Það þarf ekki að taka fram að þetta féll heldur í grýttan jarðveg hjá syfjuðum skólastúlkum.
En svona líður manni þegar maður sofnar klukkan 11:00, sefur til 06:00, les í tuttugumínútur og fær svo klukkutíma lúr í viðbót. Almáttugur minn hvað það er gott að sofa vel!

Kirkjuferð

2006-10-23T06:59:00.000Z

Við mæðgurnar fórum í messu á sunnudagsmorgun í Langholtskirkju. Þar var skírt barn og fékk nafnið Krista Nótt.....jæja.....

Kíkið á þessa snilld

2006-10-20T11:16:00.000Z

http://video.google.com/videoplay?docid=-3934788900154749704

Af málfari dóttur

2006-10-20T08:31:00.000Z

Á sunnudagsmorgun var ég að sjóða egg til að hafa með morgunmatnum í sumarhúsinu. Sú stutta spurði "get ég fengið egg sem lekur" -
Í fyrrakvöld vorum við að horfa á Bráðavaktina og þá segir hún: "það er ekki xyx3y39 þarna" við foreldrarnir hváðum og hún endurtók "það er ekki xyx3y39 þarna" loksins kom það "það er ekki ekkla þarna" stúlkan meinti mannekkla. En tekið úr samhengi er þetta óskiljanlegt.....

Gular tuskur

2006-10-19T16:08:00.000Z

Í síðustu viku snemma morguns leit ég syfjuð út um gluggann í eldhúsinu. Þar sé ég sveiflast efst á trjánum fullt af gulum afþurkunarklútum. Þegar ég athugaði málið betur voru þetta stærstu og síðustu asparlaufin sem sveifluðust svona á trjátoppunum.
Haldið þið að ég þurfi að fara í frí - eða er eðlilegt að sjá gular tuskur á trjám......

Ný brýna þeir kutana

2006-10-18T09:08:00.000Z

Og stinga fast. Samband ungra Sjálfstæðismanna er mótfallið hugmyndum BB um leyniþjónustu. Þetta er náttúrulega stríðsyfirlýsing svona rétt fyrir prófkjör. Formaður flokksins á hauk í horni þar sem stjúpsonur hans er - sem er reyndar formaður SUS. Það á greinilega að koma BB sem lengst frá áhrifasæti á listanum. Ekki það að ég syrgi það - ó nei......

Vikan

2006-10-13T14:04:00.000Z

Þetta er búið að vera erfið vika

"Do you want to fuck?"

2006-10-12T07:50:00.000Z

Setningu síðustu viku átti Elísabet Jökulsdóttir í Kastljósinu á föstudagskvöld: "Hello mr. Zidane. My name is Elísabet Jökulsdóttir. Do you want to fuck"

Þetta á nú nokkuð vel við mig í þessa daga.....

2006-10-12T07:47:00.000Z

Your walk is:
Zombie-like

Take'>http://www.quizgalaxy.com/quiz.php?id=78">Take this quiz at

Umheimurinn

2006-10-11T09:32:00.000Z

Nú til dags er lítið mál að hafa samband við föðurlandið þó svo fólk sé í útlöndum. GSM-símar, sms, mns, mbl,ruv,skype,blogg o.s.frv. Og ég hef heyrt á máli fólks að jafnvel þó svo ungmenni fari sem skiptinemar eða til náms erlendis þá lengist bara naflastrengurinn.
Mér datt þetta svona í hug þegar ég sá myndir af leiðtogafundi Regans og Gorbsjovs í gær.
Ég hef tvisvar búið í útlöndum - fyrra skiptið 1976 þegar ég var 18 ára þá var ég í Noregi í þrjá og hálfan mánuð. Á þeim tíma þá hringdi ég einu sinni heim og það var afþví að mamma varð 50 ára. Pabbi hringdi svo einu sinni í mig því hann var staddur í Noregi.
Þegar ég bjó í Íþöku frá 1985 - 1987 þá var hringt á milli heimsálfa kannski einu sinni í mánuði. Mamma sendi mér gjarnan moggann og var þá búin að klippa út fasteiganauglýsingarnar til að létta blaðið. Svo bárust þær fregnir að leiðtogafundurinn ætti að vera á Íslandi!!!! Við íslendingarir í Íþöku vorum alveg rosalega spennt og söfnuðumst saman á heimili Hannesar og Soffíu kvöld eftir kvöld til að fylgjast með kvöldfréttum stóru sjónvarpsstöðvanna. Það voru allir komnir í stellingar klukkan 18:00 og svo var svissað á milli stöðva því kvöldfréttir voru á sama tíma á ABC,CBS og NBC. Okkur þyrsti að sjá myndir að heiman og fögnuðum ógurlega þegar Steingrímur Hermannsson steig upp úr sundlauginni og talaði um álfa.
Breyttir tímar.........

Innlit/Útlit

2006-10-11T09:29:00.000Z

Er ég forpokuð kelling farin að nálgast fimmtugt sem hef allt á hornum mér? Eða er þetta alveg allt í lagi. Ég sá hluta úr Innliti/Útliti í gær þar sem verið var að skoða eldhúsinnréttingar hjá BYKO. Og lagið sem var leikið undir heitir Biko og fjallar um Steve Biko sem var drepin í fangelsi í Suður-Afríku á aðskilnaðaratímanum. Mér finnst þetta heldur ósmekklegt......

Morgunstund

2006-10-10T09:47:00.000Z

Lítill hlýr kroppur eftir nætursvefn. Mjúkt faðmlag. Kúrt í hálsakoti. Ari minn

Bíó

2006-10-07T22:02:00.000Z

Ég og sú eldri fórum að sjá Börn í dag og ég var mjög hrifin. Eins var ég rosalega hrifin af tónleikunum með Sinfó,Ragnheiði og Eivöru sem voru í sjónvarpinu í gærkvöldi. Þetta var fínt undirspil með föstudags happy hour...

Söguskýring

2006-10-07T21:58:00.000Z

"Sko - þegar Jón Sigurðsson fór til Kaupmannahafnar þá var hann trúlofaður frænku sinni sem okkur finnst ógeðslegt nú til dags. Hún beið eftir honum í tólf ár og mátti ekki tala við neina aðra menn og þegar pabbi hennar Ingibjargar dó þá varð Jón að koma til Íslands og giftast henni"

Samræmd próf í 7. bekk

2006-10-06T13:08:00.000Z

Mikið hefur verið rætt og ritað undanfarið um samræmd próf í 7. bekk og hvernig lesblind börn eiga að taka þessi próf. Í mogganum í dag er viðtal við föður lesblinds drengs sem á að taka samræmd próf í íslensku og stærðfræði í mánuðinum. Og svo hefur síðdegis útvarp rásar tvö einnig fjallað um þessi mál.
Þetta mál er allt það einkennilegasta. Það má ekki lesa fyrir börnin þann hluta sem reynir á lesskilning en svo má spyrja þau munnlega út úr texta sem þau eiga að vera búin að les. Þetta er náttúrulega þvílík þversögn því lesblint barn skilur ekki texta sem það þarf að lesa en getur skilið alveg ágætlega ef textinn er lesinn fyrir barnið.
Svo er líka annað mjög einkennilegt og það er að við sem foreldrar ráðum engu um hvort barnið tekur þessi samræmdu próf eða ekki. Þetta gekk svo langt hjá mér í fyrra að við melduðum barnið lasið til að hún þyrfti ekki að taka þessi próf. Semsagt betra að vera óheiðarlegar heldur en að okkur sé trúað þegar við segjum að barn hafi ekkert að gera í þessi próf. Dóttir mín hafði ekki hugmynd að hún væri melduð veik enda hefði hún verið mjög mótfallin því að ljúga að skólayfirvöldum.

Bolir

2006-10-04T07:01:00.000Z

Ég hef alltaf haft gaman af bolaskilgreiningu Björgvins Halldórs - öll erum við bolir.
Ég var t.d. hrikalegur bolur þegar ég fór niður í morgunmat á hótelinu s.l. laugardag í eiturgræna kvennahlaupsbolnum mínum. Eiga ekki 22000 aðrar íslenskar konur slíkan bol?
En mesti bolur sem ég hef séð er kona sem var með okkur stallsystrum á namskeiðinu á Fjóni fyrir þrem vikum. Hún var fyrsta daginn í Dolce&Gabana buxum og bol, annan daginn í D&G bol - báðum hreint forljótum. Við vorum eitthvað að flissa yfir þessu brussurnar og í teitinu sem var seinna kvöldið kom enn einn bolurinn. Þegar hún síðan birtist í þeim fjórða á lokadegi þá máttum við Margrét ekki horfast í augu - þetta var brjálæðislega fyndið.
Er svona flott að vera í bol sem segir "ég get keypt mér dýr föt. ég þarf ekki að hafa smekk og skoðun því að allir sjá að ég vel aðeins dýrar vörur"
Og þetta að vera eins og gangandi auglýsing - það er svo barnalegt. Þetta minnir mig á unglinginn minn sem veit ekkert smartara en að vera í merkjavöru.

Rullur

2006-10-03T12:26:00.000Z

Stelpurnar eru báðar komnar með hlutverk í nýrri mynd Ara Kristinssonar - lítil að vísu en samt spennandi. Bryndís er með nokkrar línur og verður a.m.k. 3 daga í tökum en Anna er statisti í hóp krakka og verður um 2 daga í tökum. Þetta er skemmtilegt....

Spurning gærdagsins var...

2006-10-02T10:25:00.000Z

....mamma geta leggöng verið þunglynd? Þær höfðu þá verið að horfa á gamlan þátt úr Sex and the City og þar var talað um þetta (örugglega Samantha)

Home sweet home

2006-10-02T10:20:00.000Z

Danmerkur ferðin var fín - ansi mikill sprettur - en námskeiðið var mjög fínt og þetta er eins og vítamínsprauta. Hóteli við Austurstræti var flott - hafði pantað mér eins manns herbergi en fékk þriggjamanna herbergi upp í risi. Tókst að hitta kontrabassaleikarann frænda minn og við fengum okkur öl á tveim krám á föstudagskvöldið. Fór ekki einu sinni á Strikið í þessari ferð en gerð magninnkaup á nærfötum á dæturnar í H&M í Hilleröð.
Ekki sá ég neina fræga í Köben eins og www.thordis.blogspot.com sá í Svíþjóð en ég rakst á einn gaman kennara úr gaggó. Hann er nú pokaprestur í uppsveitum Borgarfjarðar. Ég veit ekki hvort hann er eins illgjarn og andsyggilegur og hann var fyrir rúmlega 30 árum en hann er allavega alveg eins spjátrúnslegur í klæðaburði.

Á útleið

2006-09-28T10:54:00.000Z

Fer til Köben klukkan 15:30. Á morgun fer ég til Hilleröð og námskeiðast með dönskum leikskólakennurum og læri allt um hvernig leikskóla börnum er kennt á umferð í Danaveldi.
Þetta verður ósköp stutt stopp en ég vona að ég fái fullt af góðum hugmyndum og efni með heim. Svo langar mig að hitta þennann frænda www.kontri.blogspot.com seinnipartinn á föstudag þegar ég kem aftur til Köben. Ég flýg síðan heim á laugardag og fer vonandi beint í sveitina mína. Annars er Gulli að senda út úrslitin í bikarleik karla í knattspyrnu og ef verður framlengt þá er svo sem aldrei að vita hvenær hann er búinn. Ja nema að ákveðið verði að klipp á framlenginguna og vítaspyrnukeppnina eins og gert var í kvennaleiknum - algjör skandall.....

Gott gott

2006-09-26T11:19:00.000Z

Risin úr rekkju eftir helvítis veikindi! Háls og haus með leiðindi og svo verð ég ótrúlega döpur þegar ég er lasin. En allt er á uppleið.
Einn stór/lítill sólargeisli létti mér þó lífið. Ari minn Dignus kom og gisti hjá okkur aðfaranótt laugardagsins. Eitt bros getur dimmu í dagsljós breytt. Drengurinn sem er eins og hálfs árs núna er yndislegur. Nú er aðalmálið að dansa. Og sá dans gengur þannig fyrir sig að hann stendur í sömu sporum - rekur bossann út í loftið og dillar honum. Ótrúlega fyndið og sama hvaða undirspil er. Sálmasöngur dugði vel og sömuleiðis Disney lögin. Og það er nú ekki vandi að passa barn sem sofnar upp úr 21:00 og vaknar rúmlega 09:00. Svo er stelpurnar duglegar að passa hann og fóru með hann út að róla. Svo var sagt takk og vá og bæ og hæ og önnur augnabrúnin skaust upp á mitt enni þegar stíft var hugsað. Þetta gerði lang afi hans - föðurbróðir minn - einnig og það er mjög fyndið að sjá þetta á litla kallinum.

Huggun harmi gegn

2006-09-21T15:22:00.000Z

Í volæði mínu er ég að hlusta á þessa konu www.tonskald.blogspot.com
Hún er að velja fallegast á fóninn í útvarpi allra landsmanna. Hún var rétt í þessu að spila Te Deum eftir Arvo Part. Alveg hreint magnað verk. Dómkórinn söng þetta einu sinni undir stjórn föður Þóru. Ég þurfti að fara til Svíþjóðar ekki löngu áður en tónleikarnir voru og tók nótur með og disk til að hlusta á verkið í lestarferðum. Þá vildi ég vera kvikmyndagerðarmaður því þessi tónlist passaði alveg hreint ótrúlega vel við haustskógana í Svíþjóð og var eitthvað svo bíómyndaleg. Ég ætlaði að senda Friðrik Þór diskinn en fann hann ekki.Nú er það aría næturdrottningarinnar sem verður gaman að heyra í túlkun Ólavíu Hrannar þegar hún verður í hlutverki Florence Foster Jenkins í Þjóðleikhúsinu í vetur.

Vorkenna mér!!!!

2006-09-21T15:17:00.000Z

Ég er lasin heima með hausverk og illt í hálsi. Mamma er sú manneskja sem ég vil helst tala við og láta vorkenna mér en ég næ ekki í hana. Hún er sjálfsagt úti í góða veðrinu. En þið getið vorkennt mér á meðan.....En mamma er best þegar svona stendur á, jafnvel þó ég sé komin á 49. aldursár.......

Aftur og nýbúin

2006-09-20T14:19:00.000Z

Ég ætla að bregða mér aftur til Danmerkur. Fer til Köben eftir viku og gisti tvær nætur. Aftur á námskeið hja dönsku Umferðarstofunni. Í þetta skipti er þetta dagsnámskeið í Hilleröð. Ég gisti nú ekki alveg eins flott eins og fyrir viku því ég verð í "red light distric". En þægileg staðsetning..

Hvað er þetta eiginlega!

2006-09-20T11:50:00.000Z

Er þetta aldurinn - mér finnst ég orðin svo væmin og farin að líka við ólíklegustu hluti.
Er það t.d. eðlilegt að hafa gaman af - og vera eiginlega mjög hrifin af - þegar Regína Ósk syngur Ljósanæturlagið? Og eitthvað annað álíka vellulegt?
Er það í lagi að finnast Guðlaugur Þór sympatískur? Ja náttúrulega í samanburði við keppinaut hans þá er hann það - en komm on!

Börnin og buran

2006-09-17T10:29:00.000Z

Buran sefur en ég og stelpur erum komnar á kreik. Ég og Anna ætlum í messu í Langholtskirkju. Það er liður í fermingarundibúningi hennar. Ég er búin að hneykslast nóg á fermingarbörnunum í Dómkrikjunni sem koma í skyldumessurnar og hálf sofa á öftustu bekkjunum eða eru á fullu í símum sínum í leikjum eða á sms. Ég hef reyndar verið hneyksluð á foreldruum að fara ekki með börnunum í messu þegar þau eru í fermingarundirbúningi. Svo að nú er komið að mér. Mér finnst að ef börn fermast á annað borð þá verði þau að vita um hvað málið snýst.
Sú yngri er að horfa á sjónvarpið og nýtur þess að tjill. Annars er hún orðin mjög skipulögð. Hún notaði tækifærið í bílnum bæði á leið upp í bústað og á leið heim fyrir heimanámið. Gerði verefni í ensku, íslensku og las í islam.