Tískunesti skólabarna
Í morgun setti ég slatta af "mini carrotts" í nestisbox dætra minna. Þetta er samkvæmt heimildum eldri dóttur minnar tískunesti í Vogaskóla, eða allavega í hennar bekk. Gott þegar svona hollusta er í tísku. Í búðinni í gær bað´hún einnig um að fá að taka með hið hroðalega ógeð skólajógúrt - dísætur andskoti - en vitiði hvað - mamman lét undan. Ég tek það fram að þetta er í fyrsta skipti í 6 ár sem ég samþykki það. Er ég slæm móðir, of eftirlátssöm, nenni ekki að standa á mínu - svona spurningar þjóta oft um í höfðinu á mér, en ég viðurkenni að þessar grundvallar spurningar voru ekki áleitar þegar ég keypti jógúrtið - mig langaði einfaldlega að gleðja barnið
2 Comments:
jamm, það er allt í lagi að láta smá eftir þessum elskum af og til, svo lengi sem þau vita að grunnreglurnar gilda. bara spurningin um undantekninguna frá reglunni.
Hefur þetta ekki eitthvað með Latabæjarhagkerfið að gera? Ég man þegar það fór í gang umturnuðust öll börn þessa lands í litla heilsupúka á einni nóttu. Neituðu að borða sælgæti en báðu þess í stað um gulrætur og epli í nestið. Síðan skráðu þau árangurinn í þartilgerða bók og hafa ábyggilega fengið einhver verðlaun eftir árangrinum. Annars hefðu þau aldrei lagt þetta á sig.
Post a Comment
<< Home