Af sumarfríi

Og hvað var svo aðhafst annað en að skoða náttúruna? Við hjónin erum hvorugt þessar rosa útitýpur sem eiga flott útiföt og skó og svo erum við nú helst til löt. Hvað með það, við fórum í eina dálítið bratta fjallgöngu sem var hressandi. Svo var mikið lesið. Ég las nýjustu bók Minett Walters mér til mikillar ánægju. Svo las ég mína fyrstu Danielle Steel bók sem var fyrir í sumarbústaðnum. Ég veit að maður á aldrei að segja aldrei, en ég ætla aldei að lesa aðra bók eftir Steel.

Fyrir ferðina vorum við búin að heimsækja bókasafnið og fá ferðabækur fyrir börn og Þjóðsögur við þjóðveginn og slatta af hljóðdiskum fyrir stelpurnar. Við skoðuðum þessar bækur á kvöldin, gláptum á sjónvarp og stelpurnar voru svo heppnar að það voru stelpur í næstu bústöðum sem þær léku við og veðrið var það gott að hægt var að vera mikið úti. Einnig tókum við með play station fyrir þær - sterkur leikur það! Svo var farið í sund - og mikið eldað af góðum mat. Tveir gin fyrir mat og rauðvínssötur.

Ég og mamma kjöftuðum líka talsvert og það er alltaf gaman. Mömmu og stelpunum okkar kemur mjög vel saman og þær dá ömmu sína. Svo var gott að sofa......fara tímanlega í bólið og sofa út.

1. versi

er lokið. Komum heim í gærkvöldi eftir vel heppna ferðalag. Lögðum af stað héðan þann 6.júlí og gistum á Hofsós í 2. nætur. Þar er Wincie frænka mín við störf. Sváfum í Brimnesi sem Bill Holm á og er í öll sumur, en er því miður búin að vera alvarlega veikur westanhafs og komst ekki til Íslands þetta sumar. Hann er sem betur fer á batavegi- en það vantaði talsvert að sjá ekki þennan yndislega skeggjaða mann vappa a milli Síðu og Brimnes. Stelpurnar fóru á hestbak í Varmahlíð og svo áttum við góðar stundir með Wincie - fórum meira að segja að Vatni og gerðumst hjálplegar við að smalamennsku. Þann 8. júlí lá leiðin að Eiðum í bústað Starfsmannafélags Ríkisútvarpsins. Þar vorum við síðan í viku í fínu veðri. Fórum a Kárahnjúkum, niðrá alla firði, í Atlavík og allt þetta helsta sem maður gerir þarna austnalands. Og veðrið lék við okkur. Mamma flaug til okkar á og var með okkur frá þriðjudegi. Síðasta daginn fórum við á Borgarfjörð eystri og það var eftirminnileg ferð. Veðrið var stórkostleg og náttúrufegurðin ólýsanleg. Við fórum að verndaða varpstaðnum við smábátahöfnina og það var gaman að fylgjast með fuglalífunu þar og horfa á ungana spreyta sig. Keyrðum síðan frá Eiðum á föstudeginum og fórum lengri leiðina þ.e. um suðurfirðina og stoppuðum meðal annars á Stöðvarfirði og skoðuðum steinasafnið hennar Petru. Gistum áHótel Eddu við Höfn og komum heim í gær eftir frábært ferðalag. Á morgun á síðan að leggja á vestuland og höfum við fengið lánaðna tjaldvagn til fararinnar þ.e.a.s. ætlumað skipta á tjaldvagni og bústaðnum við samstarfskonu mína. Við ætlum að byrja á Snæfellsnesi - taka síðan Baldur og fara á Tálknafjörð, heimsækja bróður Gulla sem nú dvelur á Flateyri og svo langar okkur á Akureyri - sjáum til hvert úthaldið verður.En allavega er búið að spá bestu veðri á vesturlandi næstu viku....jibbý..