Mozart

Ég er spæld yfir að geta ekki verið heima og horft á Mozart til klukkan 15:00 - en þetta verður víst bútað niður og endurflutt í vetur. Ég er reyndar með þetta í upptöku - en gæti föstudagur verið betri en að horfa/hlusta á Moazart til 15:00 og svo handbolta í kvöld.....

Ég slapp

lifandi frá leiknum í gær. Ég verð svo gríðarlega spennt yfir landsleikjum í handbolta að ég finn til. Ég tók það til bragðs í gær að gera það sem mér finnst leiðinlegast þ.e. að strauja meðan ég horfði á leikinn. Fékk mér svo bjór - straujaði meira - annar bjór. Nú er það spurning hvernig ég kemst í gegnum leikinn í kvöld. Eða hvernig dæturnar komast í gegnum þetta. Þær fá áfall eftir áfall þegar ég tryllist yfir mörkunum. Um manninn þarf ekki að tala - hann horfir á þetta á launum.

Úr tölvuorðabókinni

1dalur -s, -ir KK
1• djúp aflöng lægð inn á milli fjalla eða hæða (tíðast lokuð í innri enda);

1fjörður fjarðar, firðir KK
1• (langur) vogur, vik inn í land, venjulega minni á breidd en lengd
vogskorið land með fjörðum, flóum og víkumfjarðarbotn
2• landsvæði með fram og upp af firði
bæirnir í firðinum

Þetta á sko ekki við mig

Your Birthdate: March 8

Watch out Donald Trump! You've got a head for business and money.You'll make it rich some day, even if you haven't figured out how yet.A supreme individualist, you shouldn't get stuck in a corporate job.Instead, make your own way - so that you can be the boss. Your strength: Your undying determination Your weakness: You require an opulent lifestyle Your power color: Plum Your power symbol: Dollar sign Your power month: August

What Does Your Birth Date Mean?

Dalur/Fjörður

Í bílnum í gær var spurt um allt í sambandi við dali. Mín yngir vildi vita svona hvernig dalur væri - eða eiginlega sko að hún vissi alveg hvað fjörður og nes væru en ekki alveg viss um hvernig ætti að útskýra dal. Orðabók Árna Bö. míns gamla kennara og fararstjórar dregin fram yfir kvöldmatnum. Þar er dalur útskýrður einhverveginn þannig að hann hann sé með botn - ég skildi það þannig að ekki gengju aðrir dalir inn úr honum??????? Fjörður var aftur á móti útskýrður þannig að hann væri oft lengri en breiðari.
En ég lenti í vandræðum í bílnum - hafði ekki hugmynd um hvernig ætti að útskýra mun á dal og firði. Ekki nema að mér finnast firðir alltaf liggja að sjó, en það á ekki við um dali. Er ég algjörlega á villigötum og ófær um að ala upp börnin mín og kenna þeim "góða og gilda íslensku"?

Jibbý

Ray Davis að koma til landsins. Tónleikar 14. apríl - föstudagurinn langi og afmælisdagur minnar eldri dóttur. Hún verður löggiltur táningur. Kinks er svona eiginlega uppáhalds hljómsveit míns manns og við ætlum svo sannarlega. Ég kynntist fyrst verulega alvarlegum forföllnum Kinks aðdáanda sumarið 1979. Þá var ég að vinna í fiski í frystihúsinu í Hnífsdal og bjó þá í verbúð. Þar var margt skemmtileg fólk og þetta var skemmtileg lífsreynsla. Þarna kynntist ég Linnett systrunum Jóhönnu og Ragnheiði sem voru í fiskvinnu í nálægu plássi. Þær komu einmitt að heimsækja þennan rosalega Kinks áðdáenda sem skrópaði í vinnunni til að hlusta á sérstakan Kinks þátt á rás eitt. Þeir voru nú ekki margir góðir poppþættir á rás eitt þessi árin - helst voru það létt þýsk dægur lög frá ýmsum tímum og lúðrasveit hollenska hersins og svo svona stöku pródúseraðir poppþættir (ég tek það fram að hann pabbi minn var yfirmaður tónlistardeildarinnar á útvarpinu á þessum tíma) og þessum þáttum var tekið fagnandi.
Þessi forfallni Kinks aðdáandi heitir Hjálmar Sveinsson og vinnur einmitt hjá útvarpinu - ekki við að spila Kinks heldur í Speglinum góða.......

Péééééningar

Okkur hjónum áskotnaðist heldur betur peningur í gær - og bara dágóð upphæð svona miðað við okkar fjárráð - bæði ríkisstarfsmenn - need I say more.
Alla vega var þessi fjárhæð komin inn á reikinginn okkar og við könnuðumst ekki neitt við neitt. Haldið ekki bara að við höfum ofgreitt í greiðsludreifinguna á síðasta ári og vorum á fá til baka!
Ég veit þetta eru mínir eigin peningar sem ég borgaði á sínum tíma, en tilfinningin er samt eins og að hafa unnið í happdrætti. Svo fengum við 15 þúsund í Háskólahappdrættinu. Allt er hey í harðindum og ekki veitir af núna eftir Kanarýeyja dásemdina......

Spaugstofan

Mikið var ég hrifin af spaugstofunni á laugardagskvöldið. Þeir drógu nýríku börnin sundur og saman í háði - þetta er náttúrulega ekkert annað en hlægilegt. Svo fékk biskupinn sinn skammt líka - hlegið að honum......

Lúxushelgi

Alveg með eindæmum róleg helgi - minn á vakt og við stelpurnar bara svona í einhverju snúlli heima við - reyndar ekkert sérlega mikið snúll, svona dálítið tekið til og svo tjillað. Annars eru þessar vinnhelgar mannsins míns ekkert grín. Þetta var allt í lagi á hans yngri árum en það er djöfullegt að vinna föstudag 09:00-19:00, laugardag 09:00 - 18:00 og sunnudag frá 12:30 til 23:00 og það aðrahvora helgi. Þriðjahver væri vel bærilegt. En allavega þá hafði ég ekki mikið fyrir þessari helgi því á föstudagskvöld fór ég ásamt stelpunum mínum í mat til vinkonu minnar og hennar dóttur, á laugardag kom mágur minn til okkar og eldaði lambalæri og allt sem við átti að eta og í gær fór ég með dæturnar til mömmu í kjötsúpu og gommu af soðnum rófum sem ég fæ aldrei nóg af. Þetta er nokkuð sem vel er hægt að venjast........

Næturgestur

Þegar við fórum utan um jólin fór kettlingurinn Soffía í fósturtil frænku minnar sem á kettling tveim mánuðum eldri en Soffía. Þessir tveir kettlingar eru frænkur og ekki er verra að þær koma úr Skagafirði; önnur frá Sauðárkróki en hin frá Vatni á Höfðaströnd (eða Höbbðaströnd eins og pabbi sagði). Þúfa tók Soffíu rosalega vel þarna fyrir jólin og þær voru óaðskiljanlegar þessar tvær vikur, deildu mat, sandkassa, stólum, rúmum, dóti og vatnsdalli milli þess sem þær léku og léku. Í gær kom Þúfa í fóstur til okkar og ætlar að vera fram yfir helgi. Soffía varð ofsaglöð og er nú í því að endurgjalda gestrisni Þúfu. Þær voru rosalega krúttlegar í gær og skemmtu sér konunglega. Mér datt nú svona í hug að þær væru samkynhneigðar - þvílík er ástin..... Ég held að það sé komin tími á að Soffía mín fái að fara út, hún er rosalega fjörug og ég held að hún sé einmanna. Svo mjálmar hún líka rosalega mikið, svona eins og hún sé að tala við okkur. Hún svarar þegar talað er við hana, en heimilið er eins og þar sé smábarn því hún er rosalega uppátækja söm. Hún er t.d. búin að fara illa með gluggapóstana sem Gulli málaði svo fagurlega s.l. sumar því hún klifrar upp þá á fullum hraða!

...getur dimmu í dagsljós breytt

Nú er ég búin að fara þrisvar sinnum í Vesturbæjarlaugina og sitja fyrir framan dagsljóslampa. Ég hef setið í 40-60 mín. sl. þrjá daga og er spennt að vita hvort þetta gagnast mér í baráttunni við skammdegið. Þetta er dálítið gaman því lamparnir eru þannig staðsettir að það sést vel yfir sundlaugin og bakkann og það er gama að horfa á lítið klætt fólk skjálfandi úr kulda! Svo fer ég alltaf í leikinn: HVER ÆTLAR ÞÚ AÐ VERA ÞEGAR ÞÚ ERT ORÐIN GÖMUL. Það er náttúrulega skemmtilegast að leika hann í hóp, sérstaklega í strætó. Hann gengur út á það að velja sér fullorðna/aldraða manneskju og ætla að "vera hún" þegar maður eldist. Þegar ég leik hann ein þá hugsa ég um einhvern sem ég þekki og hugsa að hann eða hún verði eins og þessi. Þetta er fínn leikur í þessum ljósum og heita pottinum.
Það er best að fara í þessi ljós um miðjan daginn þegar sem bjartast á að vera. Einnig er gott að fara á morgnanna, en ég held að líkamsklukkan geti ruglast ef setið er þegar farið er að dimma.
Sjáum til....

Snilld Baggalúts

Ofurlaunþegar
við minnum á félagsvist í kvöld. Sjáumst hress í Nepal kl. 21.00.

Keðjubréf

Mikið leiðast mér þessar fréttir af þessu fólki sem er alltaf að kaupa og selja einhver bréf sem líkjast einhverskonar keðjubréfum. Ég meina - ég þekki engan sem hefur áhuga á hver var að fá bréf frá hverjum og hver var að senda hverjum bréf og hver var líka að senda og fá send bréf frá einhverjum öðrum. Þeir sem eru í þessum bransa eru varla fleiri en nokkur hundruð eða þúsund og mig grunar þeir sem eru innvígðir og innmúraðir í þessi bréf viti nákvæmlega hverjir voru að fá og hverjir voru að senda bréf. Mikið væri nú gaman að heyra einn frétta tíma þar sem ekki er sagt neitt um bréf af þessu tagi og mér er það óskiljanlegt hvernig venjulegt fólk á að henda reiður eða hefur yfirleitt áhuga á þessum bréfaskriftum.......

Lykillinn að hjarta mínu

In love, you feel the most alive when things are straight-forward, and you're told that you're loved.
You'd like to your lover to think you are stylish and alluring.
You would be forced to break up with someone who was ruthless, cold-blooded, and sarcastic.
Your ideal relationship is lasting. You want a relationship that looks to the future... one you can grow with.
Your risk of cheating is zero. You care about society and morality. You would never break a commitment.
You think of marriage as something precious. You'll treasure marriage and treat it as sacred.
In this moment, you think of love as something you can get or discard anytime. You're feeling self What Are The Keys To Your Heart?

Komin heim

eftir frábært frí endurnærð og hvíld. Sama má segja um restina af fjölskyldunni. Ég held að svona frí eigi fjarska vel við mig sem get verið kvíðin vegna ótrúlegustu hluta. Þarna var ekkert til að hafa áhyggjur af - helsta sem um þurfti að hugsa um var hvert ætti að fara að borða.
Ég er svona að vona að þessi ferð hjálpi mér að takast á við heimsókn hundanna.

þekki ekki einu sinni lagið

Your 2005 Song Is

Since'>http://click.linksynergy.com/fs-bin/click?id=CkIfgYlVpZA&offerid=99176.462951996&type=10&subid=">Since You've Been Gone by Kelly Clarkson "But since you've been goneI can breathe for the first timeI'm so moving on" In 2005, you moved on.

What Hit Song of 2005 Are You?