Hvað skal segja..

Your Career Type: Social

You are helpful, friendly, and trustworthy.Your talents lie in teaching, nursing, giving information, and solving social problems. You would make an excellent: Counselor - Dental Hygienist - LibrarianNurse - Parole Officer - Personal TrainerPhysical Therapist - Social Worker - Teacher The worst career options for your are realistic careers, like truck driver or farmer.

What's" Your Ideal Career?

Mamman er montin

Blessaði lesblindi unglingurinn kom heim með 8 - já átta - úr stafsetningarprófi. Það skilur það í raun engin að barn sem aldrei á eftir að lesa sér til ánægju, barn sem hefur aldrei lesið heila bók, barn sem þarf að láta lesa fyrir sig bækur ef hún þarf að skrifa ritgerð, skuli skrifa svona rétt. Hún var svo ánægð........

Enn af miðbænum

Upphefð fjölskyldunnar barst í tal hjá manni mínum og vinnufélögum hans. Einhver vildi meina að nú hlyti að vera reist minnismerki um Jón Sigurðsson í garðinum hjá okkur þar sem við værum miðja borgarinnar.Þessu var mótmælt og einhver lagði til að í garðinn kæmi brjóstmyd af Davíð Oddssyni. Sumum fannst það nú heldur dapurlegt þar til bent var á að Kjartan Gunarsson myndi örugglega kaupa af okkur húsið á uppsprengdu verði ef hann gæti horft á Davíð Oddsson allan sólarhringinn......

101 hvað.....

Jæja þá er það ljóst að ég bý í miðborginni. Samkvæmt nýjustu fréttum eru MS og Vogaskóli miðja Reykjavíkurborgar og það er ekki hægt að búa nær Vogaskóla en ég geri. Dæturnar geta skolað af hafragrautskiskunum þegar hringt er inn en samt verða þær ekki seinar í skólann.
Við erum ógsssssslega töff

Ray Davies

Hann var æðislegur kallinn í Háskólabíó föstudaginn langa. Skil ekki hvað þessir krítikerar eru að segja að nýja platan sé léleg. Hún er meiriháttar og fínar laglínur. Mér finnst einmitt svo frábært að lifa ekki bara á fornri frægð heldur að gera nýja hluti 62 ára gamall. En það var rosalegt fjör í salnum þegar hann tók gömlu löginn - og allt þetta gráhærða, sköllótta miðaldra fólk með velmegunar bumbur og gleraugu lét ekki sitt eftir liggja og söng, klappaði og stappaði.
Þetta voru einstaklega dásamlegir páskar. Sofið, drukkið, etið, hlegið í borg og sveit. Mæli með Nýsjálenskri nautalund sem við keyptum í Hagkaup - algjört æði. Fór í messu í Skálholti að vanda klukkan 14:00 á pásadag þar sem sungið var, eins og alltaf, eitt lag úr Jesus Christ Super Star undir altaisgöngu. Dásamlegt.........
Á morgun er ég búin að bjóða háum og smáum í fjölskyldunni í kaffi. Svona hálfgerður afmælisfílingur vegna táningsins, smá sumar kaffi sopi og óralangt síðan ég hef haldið almennilegt kaffiboð fyrir fjölskylduna. Svona miðdegiskaffiboð hafa eiginlega dottið uppp fyrir síðan allir fóru að bjóða í mat.....Ég hlakka til og í stað þess að kveðja sumar með drykk, dýfu og djammi ætla ég að baka mikið og margt í kvöld.....

Kosningar

Mikið rosalega er ég fegin að geta kosið www.svandis.is í komandi kosningum. Réttsýn, skemmtileg, traust, femínisti og syngur vel!!! Ekki er það nú verra.....
Ég vildi bara óska að stóra dökkhærða konan sem tínir ber og sem skipti um flokk væri í 2. sæti hjá Vinstri grænum......

Þetta er allt að koma...

Jæja - örfáar klukkustundir í fríið langþráða. Búið að vera klikkað að gera hjá mér undanfarið. Var upp í Borgarfirði í gær og fyrradag á svokölluðum starfsdögum (eins og ekki sé starfað aðra daga). Þetta var heilmikil og skemmtileg vinna. Alltaf gott að breinstorma með samstarfsmönnum sínum. Við ætlum að skipta páskunum milli sumarhússins og borgarinnar. Nú svo eignast ég táning á föstudag - sú eldri verður þrettán ára. Ég lá á meðgöngudeildinni þegar von var á henni 1993. Það var algjör heimavistar stemning hjá okkur fjórum sem þurftum að liggja þessa páska. Það var allt gert fyrir okkur og stjanað við okkur. Við hlógum líka mikið og horfðum út í góða veðrið - þá var veðrið alla páskana eins og það er í dag......Um allt þetta og fleira um mínar meðgöngur má lesa í "Konur með einn í útvíkkun........

Sax og tár

Annað stigið í saxafónleik í höfn hjá Bryndísi minni. Spilaði dúra, molla og krómatískt, frumsamið og lestur af blaði. Svo var náttúrulega draumur hvers saxafónsnema - Bleiki pardusinn og hið dásamlega sænska þjóðlag um Vermelandið fallega.
Barnið er ótrúlega stressað og illa stemmd í þessum prófum. Hún var með grátstafinn í kverkunum þegar hún fór inn og barðist við grátinn. Hún spilar á tónleikum eins og að drekka vatn en þetta er henni næstum ofviða. Hvað er hægt að gera? Hún keppir líka í íþróttum og er dáldið fúl þegar hún vinnur ekki en það er úr henni á 1/2 mínútu. Samt finnst henni þetta gaman og er flink að lesa af blaði og ekki er nú hægt að kenna viðmóti kennara, prófdómara eða starfsmanna skólans um þetta. Ekki erum við foreldrar hennar með gribbugang.....ég er eiginlega ráðalaus því ég vorkenni henni svo....